Pak para ndeshjes së Superligës së Kosovës mes Drenicës dhe Prishtinës së Re, presidenti i klubit nga Skenderaj, Faton Seferi, ka bërë një gjest të veçantë që ka tërhequr vëmendjen e tifozëve.

Seferi është parë duke pastruar vetë karriget e stadiumit, për të siguruar që tifozët të kenë kushte sa më të mira gjatë ndeshjes.

Përmes këtij veprimi simbolik, ai u ka bërë thirrje të gjithë tifozëve të vijnë në stadium pa marrë me vete palloma apo gazeta, pasi ulëset tashmë janë të pastruara dhe të gatshme për ta pritur publikun.

Ky gjest i presidentit shihet si një shembull i afërsisë me tifozët dhe përkushtimit për klubin, duke treguar se në Skenderaj të gjithë janë të bashkuar për ta mbështetur Drenicën.